ACITC Intres Edition

depinchos: Hoxe, domingo de Pascua, de seguir aínda viva a...

Sun, 31 Mar 2013 23:07:57 +0200

Hoxe, domingo de Pascua, de seguir aínda viva a tradición de cando eu era pequena, en moitas casas terían almorzado a rosca que os padriños levaban neste día aos seus afillados, algo que con esta nova moda dos ovos de chocolate, supoño se estará a perder.

Pola nosa parte, esta mañá nós fixemos honor á confitura que preparou no seu día Makeijan, de pera de San Breixo; unha variedade da que non coñezo o nome, máis á que nós sempre lle chamamos así pola época do ano na que se dan, entre mediados de setembro e mediados de outubro.

Está mal que eu o diga… ;)

Caldeirada: Se queres saber o que é a carne de boi, o domingo, a Allariz

Thu, 02 Aug 2012 10:43:32 +0200

Caldeirada: Se queres saber o que é a carne de boi, o domingo, a Allariz:

praza-caldeirada:

E non hai máis.

Son contundente. Seino. Seguro que tedes tomado algún chuletón de boi por aí de dubidosa orixe (eu o primeiro), e de aí que aproveite a ocasión para compartir cos quen non sabían desta magnífica ocasión. O pasado domingo foi a primeira oportunidade e o vindeiro día 5 a última…

Caldeirada: Música e viño no OPS 2012. Estamos a inventar algo novo?

Wed, 06 Jun 2012 20:09:10 +0200

Caldeirada: Música e viño no OPS 2012. Estamos a inventar algo novo?:

praza-caldeirada:

Un podería pensar que toleamos en caldeirada, e que esta nova non ten nada que ver coa gastronomía. Non está entre as miñas intencións invadir o espazo de Discordancias a nosa compañeira de soportal nesta Praza. A ver se vos convenzo do contrario.

Van 8 anos dende a primeira…

Caldeirada: Amorodos mellorados

Thu, 10 May 2012 12:11:47 +0200

Caldeirada: Amorodos mellorados:

praza-caldeirada:

Nesta semana santa que andivemos polo sur da península, fixemos unha chea de descubertas. Unha delas foron os amorodos de Cádiz (fresas dinlles os nativos :-)). A sona lévaa o fresón de Huelva ou de Palos, pero na práctica o sabor dos mesmos e pouco máis que ausente. Eu non sei se tivemos…

Caldeirada: Os primeiros chícharos

Mon, 30 Apr 2012 22:54:11 +0200

Caldeirada: Os primeiros chícharos:

praza-caldeirada:

Os primeiros chícharos do ano chegaron nunha manchea. Despois de debullalos e de brincar un rato co meu fillo e as cornellas, púxenme con eles na cociña. A voltas coa miña lideira dos puntos de cocción, e tras probalos crus decidín que era un crime cocelos. Así foi a preparación:

Un lixeiro…

Caldeirada: Sabías que a Morena tamén se come?

Tue, 10 Apr 2012 19:02:36 +0200

Caldeirada: Sabías que a Morena tamén se come?:

praza-caldeirada:

A base, a orixe, o cerne da gastronomía está no produto, porén visitar mercados é ao meu ver, un dos mellores xeitos de coñecer a gastronomía local, cando un sae da casa.

Sempre que paso por alí, visito o mercado de Loulé, un bo lugar para apreciar de primeira man as materias primas…

Google Project Glasses é unha proxecto do gran irmán que saltou...

Mon, 09 Apr 2012 20:06:50 +0200

Google Project Glasses é unha proxecto do gran irmán que saltou hai un tempiño, no que uns supostos lentes fornecerían unha realidade aumentada para o usuario, que non precisaría de máis dispositivos para comunicarse (treme Apple).

A nova é que recentemente viuse a un dos cofundadores de google, con elas postas, e penso que iso reactivou a viralidade.

Se non viches o video de orixe, deberías facer click aquí primeiro. Se xa sabes de que falo, vai directo a unha interpretación con mala… idea, pero cun punto de realidade. Estoutra visión dende o outro lado do Atlántico non queda atrás.

As cousas vistas así non son tan bonitas como parecen… ou si?

telecoscmt: 39 años de la primera llamada desde un móvil La...

Thu, 05 Apr 2012 17:24:57 +0200

telecoscmt:

39 años de la primera llamada desde un móvil

La realizó Martin Copper el 3 de abril de 1973, con un teléfono que pesaba más de un kilo. El año que viene hará ya 40.

Vía CanalPDA

Efemerides móbiles

Caldeirada: Galega: As nosas oliveiras florecen en Portugal

Mon, 12 Mar 2012 16:32:38 +0100

Caldeirada: Galega: As nosas oliveiras florecen en Portugal:

praza-caldeirada:

Probablemente, se vos preguntan por castes de oliveiras, e aceites por extensión, virán á vosa boca arbequina, picual se cadra para algúns chegan a hojiblanca, gordal… Ao mellor algúns teñen oído que en Bendilló, Quiroga se celebra unha mostra anual, na que se exalta o aceite feito a…

praza-caldeirada: Tellas Esta fin de semana convidáronnos a...

Thu, 01 Mar 2012 15:54:00 +0100

praza-caldeirada:

Tellas

Esta fin de semana convidáronnos a unha xantar castellano e tocounos levar a sobremesa. Non son moito de cociñalas, principalmente porque o mellor xeito de non caer nunha tentación é evitala. Aínda así hai 3 ou catro cousiñas que fago con máis ou menos xeito (ou iso din os que as proban), e as tellas son unha delas.

A receita foime entregada polo mesmo Enrique Castillo ante as miñas louvanzas por un inesquecible xeado de mandarina coa súa tella. Por desgracia, o manuscrito está perdido entre os feixes de receitas que se amorean pola casa adiante. Para a miña fortuna, publicouna no seu blog e xa ten unha entrada no meu evernote de onde nunca máis desaparecerá.

Ingredientes

125 g de manteiga

125 g de fariña de améndoas

125 g de zume de laranxa

75 g de fariña triga.

250 g de azucre glas

Instruccións

Con boa ferramenta traballa calquera, e os ingredientes de calidade non afectan en menor medida. Eu fago o azucre glas e a fariña cunha thermomix, deste xeito acado unha fariña de améndoas cunha boa granulometría.

Tamizar a fariña triga e derreter a manteiga (serve o microondas). Preparar o zume de laranxa (ou mandarina se queres darlle outro sutil matiz).

Mesturamos todo nun bol ata ter unha pasta homoxénea. Introducir na neveira ata que compacte (eu fágoo o día anterior pero chega menos tempo).

Cando as queiramos preparar, quentamos o forno a 180º e botamos unhas petadiñas da masa sobre papel vexetal, sulfurado ou unha prancha de silicona. Estendelas ou non xa queda da túa man.

E non te separes do forno! Agora están feitas e un intre despois queimadas.

Apuntamentos

Esta pasta consérvase uns días polo que non tes que facer todas as tellas xuntas. De feito hoxe mesmo, vou preparar unhas poucas, aproveitando que imos utilizar o forno para preparar unha pescada nel.

Podes estendela toda nunha única prancha e logo, ir rompéndoa de xeito irregular que é moi fashion (ou era, haberá que preguntarlle aos de disquecool), ou ben deixa unhas petadiñas, que calor xa se van espallar. A da foto é feita dese xeito.

Na miña experiencia, as petadas pequenas son máis doadas de controlar, porque o complexo desta receita é a cocción e non a preparación. Os extremos tenden a queimarse e o centro a quedar cru, e é algo que se pode ver porque sucede en menos dun minuto.

Finalmente, se alguén quere darlles o efecto tella (para facer unha foto, porque senón penso que non paga a pena), hai que retiralas do forno, e cando se deixen tocar, pousalas sobre unha superficie cilíndrica (un vaso ou unha botella serven), e agardar a que collan consistencia.

Alguén se atreve? Que tal vos quedaron?

Caldeirada: Por qué lle chaman verdura cando en realidade é puré?

Wed, 22 Feb 2012 09:28:23 +0100

Caldeirada: Por qué lle chaman verdura cando en realidade é puré?:

praza-caldeirada:

Tempo de cocido. O certo é que o tradicional do entroido é a cacheira, mais de cara a centrar esta forzada polémica tanto ten un que outro.

Non é máis cunha desculpa para xuntarse coa familia ou os amigos ao redor dunha mesa e gozar dun prato senlleiro da nosa gastronomía. Ata aquí nada novo….

Descarga a nova versión dropbox mobile beta, e acada ata...

Tue, 07 Feb 2012 21:28:30 +0100

Descarga a nova versión dropbox mobile beta, e acada ata 5 GB extra de espazo. Só tes que subir 5 GB de fotos ou vídeos xerados co móbil.

Lembra permitir as subidas só por WIFI senón vai ir o plan de datos deste mes para o c…

Cata dos viños galegos guiada por Cunqueiro. Os nosos...

Sat, 26 Nov 2011 13:01:09 +0100

Cata dos viños galegos guiada por Cunqueiro. Os nosos tesouros…

Cando digo que non fai falta coche en Pontevedra, é porque non...

Tue, 04 Oct 2011 16:54:41 +0200

Cando digo que non fai falta coche en Pontevedra, é porque non fai falta… (aínda que un servizo decente de bus urbano non sobraba)

Via opaco

Para fans de The Sopranos

Sun, 02 Oct 2011 16:48:36 +0200

Para fans de The Sopranos

Nin dropbox, nin syncplicity... SPIDEROAK!

Thu, 22 Sep 2011 15:30:00 +0200

Non é moi coñecida, e non sei se o será algunha vez, pero ten unha cousa que a fai única entre as plataformas Cloud de sincronización de almacenamento de datos: o cifrado.

En Spideroak, os datos son teus e só ti podes acceder a eles transfírense de xeito seguro, e mesmo se almacena cifrados cunha chave que só ti sabes.

A seguridade ten un prezo e o servizo non é tan rápido coma a competencia, polo que xa se converteu na miña primeira opción para almacenamento de datos persoais.

Queres probalo? Un GB extra de almacenamento (e podes acadar 50 deste xeito) rexistrándote dende esta ligazón.

Unha versión brutal de Game of Thrones. Non sei se alucino máis...

Thu, 08 Sep 2011 21:13:50 +0200

Unha versión brutal de Game of Thrones. Non sei se alucino máis coas 9 tomas de violín ou co multiinstrumentista.

Situémonos. Vigo. Restaurante Oh! Sushi. 15:40 horas. XV...

Sun, 04 Sep 2011 09:35:00 +0200

Situémonos. Vigo. Restaurante Oh! Sushi. 15:40 horas. XV Xantanza. Chega un espectacular prato de lagosta, no que a carne da cola, crúa, está presentada en anaquiños sobre o corpo pousado nunha cama de flores. Xunto a ela, maxestosa presenza da cabeza do individuo. MÓVESE!!!. Non hai dúbida de que é fresca.

Sabías que en outubro chegan os móbiles que comezan por 7

Thu, 11 Aug 2011 15:34:45 +0200

Sabías que en outubro chegan os móbiles que comezan por 7:

Eu xa fixen os deberes e o asterisk está preparado… a ver cantas PBX bloquean esas chamadas…

Como é que se chama isto?

Wed, 10 Aug 2011 23:33:43 +0200

Estes días andiven enleado co soporte de Dell. Nada salientable se non fora porque como parte dunha posíbel solución… ENVÍAN UNHA UTILIDADE DE HP!!!